Características organolépticas ou de cata Os brancos da denominación de orixe Rías Baixas son uns viños secos, de aromas punzantes, florais e intensamente afroitados, cun regusto moi fino e prolongado. Os viños monovarietais do tipo Albariño presentan unha cor amarela palla, brillante, con irisacións douradas e verdes. No nariz presentan aromas florais e froiteiros finos e distinguidos que impresionan agradablemente, de intensidade media e potente duración medio-longa. Na boca son frescos e suaves, con suficiente corpo e grao alcohólico, acidez equilibrada, harmoniosos e de amplos matices. O seu regusto é pracenteiro, elegante e completo.
Os viños de tipo Rosal e Condado do Tea caracterízanse por levar na súa composición as variedades Loureira e Treixadura, respectivamente. Son viños de intensos aromas e lixeira acidez, plenos na boca, agradables e atractivos. Características analíticas ou fisicoquímicas Tipos Grao alcohólico adquirido mínimo (% vol.) quilos. Acidez total real máxima (gr/litro) (en ácido acético) litros. Sulfuroso total máximo (mgr/litro). Rías Baixas Albariño 11,3 0,65 140 Rías Baixas Barrica 11,5 0,70 180 Resto de Brancos. 11,0 0,80 190 Rías Baixas tintos. 10,0 0,80 150